Azərbaycan Neyroelm Cəmiyyəti (ANC) ölkəmizdə neyroelm təhsilindəki əhəmiyyətli boşluğu doldurmaq məqsədilə ilk Azərbaycan Neyroelm Məktəbi (Advanced) təşəbbüsünü təqdim etməkdən qürur duyur. Bu məqsədlə dünyanın 8 ölkəsindən 11 aparıcı neyroelm və nevrologiya mütəxəssisi öz sahələrindəki və ümumi neyroelm daxilindəki aparıcı tədqiqatları və fundamental konseptləri iştirakçılar ilə bölüşəcəklər.
Uzunmüddətli təsir yaratmağı hədəfləyən ANC Azərbaycanın müxtəlif bölgələrindən olan neyroelm mütəxəssislərinə və həvəskarlarına həm fundamental neyroelm, həm də klinik neyroelm sahələrində əhatəli və interaktiv təlimlər təqdim etməyi məqsəd qoyur. Bu ambisiyalı məqsədə çatmaq üçün tədbir tamamilə onlayn (virtual) formatda təşkil ediləcək.
“1-ci Azərbaycan Neyroelm Məktəbi” layihəsi ” International Brain Research Organization” və Neyroelm MMC-in dəstəyi sayəsində baş tutur.
Azərbaycan Neyroelm Məktəbi 08.09.2024-dən 22.12.2024-ə qədər həftədə 2 saat virtual formatda keçiriləcək. Hər dərs saat 10:00-da (GMT+4, Azərbaycan vaxtı) başlayacaq. Bütün dərslər Azərbaycan dilində baş tutacaq.
Məktəbin sonunda uğurlu tələbələrə beynəlxalq sertifikat təqdim ediləcək.
Məktəbə qoşulmaq üçün, zəhmət olmasa, aşağıdakı linklə qeydiyyatdan keçin
Register Now:
1-ci Azərbaycan Neyroelm Məktəbi (Advanced) proqramını sizə təqdim etməkdən qürur duyuruq. Bütün dərslər Azərbaycan dilində baş tutacaq.
| Həftə | Mövzu | Müəllim | Tarix |
|---|---|---|---|
| 1 | Fundamental Neyroelmə Giri. | Dr. Elxan Yusifov | 8 Sentyabr 2024 |
| 2 | Neyrofiziologiya və Hüceyrə Neyroelmi | Dr. Ərtoğrul Alışbəyli | 15 Sentyabr 2024 |
| 3 | Molekulyar Neyroelm və Neyrokimya | Dr. Elxan Yusifov | 22 Sentyabr 2024 |
| 4 | Heyvan Təcrübə Metodlarından İnsanlara Keçid | Dr. Aynur Aliyeva | 29 Sentyabr 2024 |
| 5 | Klinik Neyroelmdə Neyrogörüntüləmə I | Dr. Mehriban Səriyeva | 6 Oktyabr 2024 |
| 6 | Klinik Neyroelmdə Neyrogörüntüləmə II | Şəms Fərhad | 13 Oktyabr 2024 |
| 7 | Neyropsixiatriya və Davranış Neyroelmi | Dr. Ərtoğrul Alışbəyli | 20 Oktyabr 2024 |
| 8 | Neyrofarmakologiya və Neyroterapiya | Dr. Medina Quliyeva | 27 Oktyabr 2024 |
| 9 | Neyrodegenerativ Xəstəliklər və Qocalma | Dr. Mahira Səfərəlizadə | 3 Noyabr 2024 |
| 10 | Öyrənmə və Yaddaşın Neyrobiologiyası | Cəmil Muradov | 10 Noyabr 2024 |
| 11 | Neyroreabilitasiya və Neyronların Bərpası | Cəmil Muradov | 17 Noyabr 2024 |
| 12 | Görmə Sistemin Neyrobiologiyası | Dr. Raşad Yusifov | 24 Noyabr 2024 |
| 13 | Multipl Skleroz və Bağlı Xəstəliklər | Dr. Said Əlizadə | 1 Dekabr 2024 |
| 14 | Neyroelmdə Tədqiqat Dizaynı | Dr. Sadıq Niftullayev | 8 Dekabr 2024 |
| 15 | İmtahana Hazırlıq | – | 15 Dekabr 2024 |
| 16 | İmtahan: Bilgi və Anlayışın Qiymətləndirilməsi | – | 22 Dekabr 2024 |
Qeyd: Azərbaycan Neyroelm Məktəbi 08.09.2024-dən 22.12.2024-ə qədər həftədə 2 saat virtual formatda keçiriləcək. Hər dərs saat 10:00-da (GMT+4, Azərbaycan vaxtı) başlayacaq.
Sponsor ol
Neyroelm sahəsində tədqiqat və təhsili inkişaf etdirməyə həvəsli olan təşkilatları və şəxsləri sponsor kimi bizə qoşulmağa dəvət edirik. Sponsorluğunuz iştirakçılarımız arasında elmi ünsiyyət bacarıqlarının inkişafına töhfə verəcək, Azərbaycanda təbiət elmi sahələri üzrə tədqiqatçıların gələcək nəslini yetişdirəcək.
Sponsorluq imkanları, o cümlədən üstünlüklər və sponsorluq səviyyələri haqqında daha çox öyrənmək istəyirsinizsə, info@neuroscience.az ilə bizimlə əlaqə saxlayın. Komandamız Azərbaycanda neyroelm üzrə tədqiqat və təhsilə əhəmiyyətli təsir göstərmək üçün necə birgə tərəfdaş ola biləcəyimizi müzakirə etməkdən məmnun olacaq. Bu fürsəti sizinlə birlikdə müzakirə etməyi səbirsizliklə gözləyirik.
Biz 1-ci Azərbaycan Neyroelm Məktəbinin (Advanced) baş tutmasında dəstək olan bütün partnerlərimizə təşəkkür edirik!
Tədbirin təşkilində əsas tədbir təşkilatçımız və tərəfdaşımız olan Neyroelm MMC-ə təşəkkürümüzü bildiririk.
Beynəlxalq partnerimiz IBRO-ya dəstəyinə görə minnətdarıq,
Neyroelm təhsili və tədqiqatının təşviqində aparıcı təşkilat kimi IBRO seminarımıza sponsor kimi öz dəstəyini göstərdi. Onların missiyası bu tədbirlə bağlı məqsədlərimizlə üst-üstə düşür – elmi ünsiyyət bacarıqlarını artırmaq, əməkdaşlığı inkişaf etdirmək və neyroelm sahəsində tədqiqat potensialını artırmaq.
IBRO bütün dünyada neyroelmin təhsili və tədqiqatını təşviq etmək məqsədi daşıyan müxtəlif proqramlarla beynəlxalq əhatəyə malikdir.
